1900-ականների մարքեթինգային 3 լուծում, որ դեռ ակտուալ են

Written by  Nazeli Abrahamyan

Ուրբաթ, 18 Հունվարի 2019 13:36

1900-ականների մարքեթինգային 3 լուծում, որ դեռ ակտուալ են

Ինչքան նոր, այդքան լավ։ Դու՞ էլ ես առաջնորդվում այս տրամաբանությամբ։ Բայց արի ընդունենք, որ դա միշտ չէ, որ գործում է։ Եթե հարցը մարքեթինգային քայլերին է վերաբերում, ապա պետք է հիշել, որ նոր Ամերիկա դժվար թե հաջողվի հայտնագործել։ Չէ՞ որ լուծումներ կարելի է գտնել անգամ ձեռքի տակ եղածով։

 

 

Հիշիր Կոլայի շիշը կամ Սնիկերսի քենդի բարը… Կարծես թե դրանք հարատև են, բայց ոչ այն պատճառով, որ նորարարություններ են, այլ միշտ թարմացվում են։

 

Օնլայն մարքեթինգի ոլորտի զարգացման տեմպերը հաշվի առնելով՝ թվում է, թե օլդ սքուլ մարքեթինգն ու քոփիռայթինգը անցյալի գրկում են։ Իհարկե, շատ նրբություններ արդեն հնացել են, բայց հիմնական սկզբունքները դեռ օգտագործվում են հանդիսանալով նոր տենդենցների համար հիմք։

 

Օրինակ՝ 1900-1920 թվականներին ԱՄՆում գովազդի ոլորտը մեծ զարգացում ապրեց, որի հետևանքով 540 հազար դոլար ներդրումը հնգապատկվեց և վերածվեց 3 միլիարդ դոլարի, որը հիմնականում կապված էր փոքր ընկերությունների միացումով և մեծ ընկերությունների ստեղծումով։

 

 

կոլայի զարգացում

 

 

 

Ոլորտի աճը նաև հանգեցրեց մեծ փոփոխությունների բիզնեսի կառուցվածքում՝ առաջ բերելով առավել արդյունավետ մարքեթինգային նոր լուծումներ։ Հենց դրա վրա էլ հիմնված է վաճառքների շղթայի գաղափարը (sales funnel)։ Բայց այս պատմության մի մասն այդքան էլ էական չէր լինի, եթե հաշվի չառնենք այն փաստը, որ ցանկացած մանրուք հիմնված է հենց նախնական գաղափարների վրա։ Հետևաբար, դրանց էվոլուցիան տրամաբանական է և շարունակական։

 

Այնուամենայնիվ, խնդիրը դրանց ժամանակին ոչ համապատասխան լինելն է, եթե պիտակավորենք դրանք որպես «հնացած»։ Այլ կերպ ասած՝ նորի ու լավագույնի հետևից ընկնելով՝ երբեմն թերագնահատվում են հին ու փորձված մեթոդները, որոնք կարող են արդյունավետ լինել, եթե ձեռքի հետ մի փոքր նորարարություն ավելացնել դրանց։

 

Հենց այդ նպատակով էլ ներկայացնենք այն երեք կոնցեպտները, որոնք կարևոր դեր կարող են խաղալ ցանկացած մարքեթինգային քայլի դեպքում։

 

 

 

1. Ստեղծիր գովազդների կոնտենտ՝ հաշվի առնելով պատվիրատուներին

 

Ռոբերտ Կոլլիերը 20-րդ դարի հայտնի հեղինակներից է, ով նաև մեծ դեր ունի մարքեթինգի զարգացման հարցում ։ Նրա գաղափարներից շատերի վրա են հիմնված բազմաթիվ գովազդային արշավներ։ Նա առաջիններից էր, որ առաջարկել է գրել գովազդային տեքստեր հիմնված պատվիրատուների ցանկությունների վրա։ Դրա մասին նա նշել է իր Copywriting Course գրքում.

 

«Պատկերացրու քեզ նրանց դերում. դու լուրջ քննարկումների մեջ ես ընկերներիցդ մեկի հետ կարևոր հարցի շուրջ, և հենց այդ պահին մեկը գալիս է ու բարձր ձայնով ասում՝ «Տե’ս, ես շատ լավ վերարկու ունեմ, կուզե՞ս գնել»։ Ի՞նչ կանես դու՝ կուսումնասիրե՞ս վերարկուն, թե՞ դուրս կնետես նրան պատուհանից՝ մի քանի քաղցր խոսքերով»։ Այսինքն՝ դու պետք է տեղյակ լինես, թե ինչ մտքեր են պտտվում պատվիրատուի գլխում։ Դու չես կարող պարզապես մտնել ուրիշի խոսակցության մեջ ու գովազդես ինքդ քեզ։



գովազդի վերնագիր

War Production Co-ordinating Committee (1942)



 

Այս մոտեցումը քիչ-քիչ արմատանում է թվային մարքեթինգում։ Բայց դե ամեն դեպքում կարևոր է հիշել, թե ինչպիսի արդյունք ակնկալել ցանկացած գովազդային արշավից։ Պիտի նաև չմոռանալ, որ առաջնային նպատակը մարդկանց հավաստիացնելն է, որ քո ապրանքը կամ ծառայությունը արժանի է նրանց ուշադրությանը։

 

Երբեմն, մարքեթոլոգները պետք է իմանան յուրաքանչյուր մանրուք վաճառվող ապրանքի կամ ծառայության մասին՝ վստահություն ցույց տալով դրա նկատմամբ։ Բայց պատահում է, որ նրանք մոռանում են այդ վստահությունը փոխանցել պոտենցիալ պատվիրատուներին։ Այսինքն՝ եթե գնաս ու գլուխ գովաս, թե ինչ աննկարագրելի ապրանք ես ուզում վաճառել, նույն իրավիճակում կհայտնվես, ինչը նշել է Կոլլիերը իր վերարկուի օրինակում։

 

 

գովազդային վերնագիր

US Army (1918)

 

 

 

Դե արդեն հասկացար, որ պետք է համատեղել քո ու քո պատվիրատուի մտքերը։ Քո հաղորդագրությունը պետք է հստակ լինի ու համապատասխան էմոցիոնալ ֆոն ստեղծի, որպեսզի մարդիկ համոզվեն դրա վստահելիության մեջ ու անհապաղ ձեռք բերեն այն։

 

Քո գովազդային հաղորդագրության ստեղծումը սկսիր վերնագրից, ինչը պետք է գրավի քո լսարանի ուշադրությունը։ Կարող ես նաև օգտագործել որևէ պատմություն՝ միտքը ուղղելով քո ապրանքի կամ ծառայությանը։ Այնպես որ ժամանակ տրամադրիր լավ ու թիրախային կոնտենտ գրելու` վստահ լինելով, որ այն կտա ցանկալի արդյունքներ։

 

 

 

2. Պարզեցրու կոնտենտը՝ դարձնելով այն առօրյա-խոսակցական

 

Եթե արդեն մտածել ես քո անկրկնելի վերնագիրը, որը գրավում է կարդացողների ուշադրությունը, ապա ժամանակն է կենտրոնանալ հիմնական կոնտենտի վրա։ Ահա այստեղ արժի նշել Կլոդ Հոփքինսի գաղափարի մասին։ Նա առաջարկել է մարքեթինգի մի գիտական մոտեցում, որին հանգելուց առաջ նա բավականին երկար ժամանակ է տրամադրել թեստերի ու ուսումնասիրություններին։ Դրանց արդյունքում նա հասկացել է, գովազդում պետք է օգտագործել պարզ ու առօրյայում կիրառվող բառեր։

 

 

գովազդի կոնտենտ

Ohrbach's (1954)

 

 

 

Մեծամասամբ մարդիկ այդքան ժամանակ ու էներգիա չեն ծախսում բարդ հաղորդագրությունների վրա։ Դա քո աշխատանքն է՝ դաձնել գովազդը հեշտ հասանելի ու հետաքրքիր։ Բայց նաև պետք է հաշվի առնել, որ կոնտենտի պարզությունը չի նշանակում պրիմիտիվություն, այն պետք է լինի պարզ, բայց բովանդակալից։ Ոճը նույնպես պետք է պահպանել՝ դարձնելով հեշտ ընկալելի։

 

Չնայած կարևոր է գովազդով աչքի ընկելը, բայց ամեն դեպքում կարևոր է հետևյալը՝ դու՝ որպես գովազդ ներկայացնող, պետք է քո հաղորդագրությունը հստակ ձևակերպես ու պարզ, այսքանը։ Իսկ դա նշանակում է, որ անիմաստ ու մեծ խոստումների մասին պետք է մոռանալ։ Հավատա, որ դա դրական արդյունքների կբերի։

 

 

1900-ականներ գովազդ

REO Motor Cars (1900)

 

 

 

3. Ստեղծիր գործողությունների ցանկ

 

Երևի արդեն գիտես, որ վաճառքների շղթայի գաղափարը նոր չէ։ Գովազդի ոլորտում հայտնի Էլիաս Էլմո Լյուիսը սահմանել է այսպես կոչված AIDA շղթան դեռևս 1898 թվականին։ Նա նշում էր, որ բոլոր գովազդային արշավներն ունեն որոշակի փուլեր՝

 

  1. Իրազեկում
  2. Հետաքրքրություն
  3. Ցանկություն
  4. Գործողություն

 

 

գովազդի մարքեթինգ

 

 

 

Այսպիսով, առաջնայինը քո ապրանքի կամ ծառայության մասին իրազեկելն է, հետո հետաքրքրություն շարժելը, ցանկություն առաջացնելը և, ի վերջո, դրդել պատվիրատուին դառնալ քո այսպես կոչված լիդերի մագնիսը (lead magnet) և գնել քո ապրանքը կամ ծառայությունը։ Իհակե վերջին քայլին անցնողների քանակը ընթացքում կրճատվում է, ինչի վրա էլ հենց հիմնված է շղթայի գաղափարը։

 

Ներկայումս ժամանակակից շղթաներն իհարկե այլ են, բայց հիմնական սկզբունքը պահպանվել է։ Լյուիսը նաև նշում է, որ շղթան ինքնին լավ արդյունքներ կբերի, եթե մի քայլից մյուսին անցումը լինի հնարավորինս հեշտ ու հանգիստ։ Երևի թե այս փաստը առավել կարևոր է մերօրյա մարքեթոլոգների համար։

 

Այնպես որ վաճառքների շղթան ստեղծելիս ինքդ քեզ հարցրու հետևյալը.

 

  • Արդյո՞ք հաջորդականությունը բնական է։
  • Արդյո՞ք մի քայլից մյուսին անցումը հեշտ է ու համապատասխան քո բիզնես մոդելին։

 

 

1900-ականների մարքեթինգ

 

 

Որպեսզի ամեն ինչ հաջող ստացվի, ամեն մի քայլ պետք է լավ մտածված ու նպատակահարմար լինի։ Եթե դու հետաքրքրություն չառաջացնես քո շղթայի նկատմամբ, ապա դժվար թե հետագայում կարողանաս վաճառել քո ապրանքը կամ ծառայությունը։

 

Ինչպես երևի նկատում ես, այս գաղափարները փոխկապակցված են։ Ու կապ չունի, թե ինչքան ժամանակ է անցնում, միևնույն է խաղի կանոնները մնում են նույնը։ Փորձը դե ցույց է տալիս, որ շղթայի իրականացումը շատ արդյունավետ է լինում, և հենց այդ փորձի միջոցով կարելի է կատարելագործել այն։

 

Դու ևս կարող ես ստեղծել քո բիզնեսի վաճառքների նախնական շղթան, հետո տեսնել՝ ինչ արդյունքների է հանգում ու համապատասխան ուղղումներ կատարել։ Ինչպես ասում են՝ փորձը փորձանք չէ։

 

 

 1900-ականների մարքեթինգային լուծում

 

 

 

Մնում է նաև հիշեցնել, որ նոր մտքերն ու քայլերը լավ արդյունքների կարող են հանգեցնել, բայց չպետք է մոռանալ փորձված մեթոդների մասին, իսկ դրանց նոր մոտեցումներ ավելացնելն ավելի խրախուսելի է։ Խնայիր ժամանակդ գովազդային արշավ սկսելիս և օգտվիր հին, փորձված մեթոդներից։ Չէ՞ որ ամեն նորը մոռացված հինն է։

 

 

#ՆՇՈՒՄ

Ucraft-ը դրագ-ընդ-դրոփ տեխնոլոգիայով գործող վեբկայքերի բիլդեռ է։ Մեր նպատակն է ստեղծել մի հարթակ, որը թույլ կտա հեշտությամբ ստեղծել կայքեր՝ չունենալով դիզայներական կամ ծրագրավորման հմտություններ։ Մենք թարմացնում ենք մեր բլոգը, որպեսզի Ձեզ տեղյակ պահենք SEO-ի, մարքեթինգի և դիզայնի վերաբերյալ վերջին նկատառումների մասին։